പിതൃവ്യൻ്റെ ലാളനയില്
ധനികനല്ലെങ്കിലും തൻ്റെ സഹോദര പുത്രനെ പ്രയാസങ്ങളറിയിക്കാതെ എല്ലാ നിലക്കുമുള്ള സഹായങ്ങളും പരിഗണനകളും നല്കി അബൂത്വാലിബ് സംരക്ഷിച്ചു പോന്നു. എന്നാല് പ്രവാചകന്(സ)യാകട്ടെ തനിക്കാവുന്ന കാര്യങ്ങളിലെല്ലാം പിതൃവ്യനെ സഹായിച്ചു പോന്നു.
ബനൂ സഅദ് ഗോത്രത്തിലെ ഹലീമാ ബീവിയോടൊത്തുള്ള കാലത്ത് തന്നെ ആടുകളെ മേക്കാന് പരിചയിച്ച പ്രവാചകന് അബൂത്വാലിബിൻ്റെറ ആടുകളെ മേക്കല് പതിവാക്കി. സ്വയം അദ്ധ്വാനത്തിലൂടെയുള്ള ജീവിതത്തിൻ്റെ മഹത്വം പ്രവാചകന് അന്നുതന്നെ മനസ്സിലാക്കിയിരുന്നു, എന്നു വേണം കരുതാന്. പ്രവാചകന്മാരെല്ലാം സ്വന്തം അദ്ധ്വാനത്തിലൂടെ ജീവിതം നയിച്ചവരായിരുന്നു എന്നും സ്വന്തം അദ്ധ്വാനത്തിലൂടെ കഴിക്കുന്ന ഭക്ഷണത്തേക്കാള് ഉത്തമമായ ഭക്ഷണം ഒരാളും കഴിച്ചിട്ടില്ലെന്നും പ്രവാചകന് വ്യക്തമാക്കിയത് ഹദീസു ഗ്രന്ഥങ്ങളില് കാണാവുന്നതാണ്.
ആടുകളെ മേച്ചിരുന്നവരെയല്ലാതെ അല്ലാഹു നബിയായി നിയോഗിച്ചിട്ടില്ല എന്നും ഞാന് മക്കക്കാര്ക്ക് ഏതാനും നാണയത്തുട്ടുകള്ക്ക് ആടുകളെ മേച്ചിരുന്ന വ്യക്തിയായിരുന്നു(ബുഖാരി) എന്ന് നബി(സ) പിന്നീട് വ്യക്തമാക്കിയതും ഹദീസുകളില് കാണാവുന്നതാണ്.
No comments:
Post a Comment