മുഹമ്മദ് നബി (صَلَّى ٱللَّٰهُ عَلَيْهِ وَسَلَّمَ) ചരിത്ര സംഗ്രഹം
തീര്ച്ചയായും നിങ്ങള്ക്ക് അല്ലാഹുവിന്റെ ദൂതനില് ഉത്തമമായ മാതൃകയുണ്ട്. അതായത് അല്ലാഹുവെയും അന്ത്യദിനത്തെയുംപ്രതീക്ഷിച്ചുകൊണ്ടിരിക്കുകയും, അല്ലാഹുവെ ധാരാളമായിഒാര്മിക്കുകയും ചെയ്തുവരുന്നവര്ക്ക്.
(പരിശുദ്ധ ഖുര്ആന്)
ആമുഖം
സര്വ്വസ്തുതിയും ജഗനിയന്താവും പരിപാലകനുമായഅല്ലാഹുവിന്ന്, അവനെ വാഴ്ത്തുകയും, അവനോട് മാത്രം സഹായം തേടുകയും ചെയ്യുന്നു. അവനോട് മാത്രം പശ്ചാത്തപിക്കുകയും എല്ലാ വിധ മാനസിക ദൂഷ്യങ്ങളില് നിന്നും അവനോട് രക്ഷതേടുകയും ചെയ്യുന്നു. അവന് സാര്ഗ്ഗത്തിലാക്കിയവരെ പിഴപ്പിക്കാനാര്ക്കും സാധ്യമല്ല അവന് പിഴവിലാക്കിയവര്ക്ക് മാര്ഗ്ഗ ദര്ശനം നല്കാനും ആരുമില്ല.
അല്ലാഹു അവനല്ലാതെ ആരാധനക്കര്ഹനായി ആരുമില്ലെന്നും മുഹമ്മദ് നബി(സ) അല്ലാഹുവിന്െറ ദൂതനാണെന്നും ഞാന് സാക്ഷ്യം വഹിക്കുന്നു. അല്ലാഹു അദ്ദേഹത്തിനും കുടുംബത്തിനും ബന്ധുമിത്രാദികള്ക്കും അവന്െറ കരുണാ കടാക്ഷങ്ങള് ചൊരിഞ്ഞ് അനുഗ്രഹിക്കുമാറാകട്ടെ (ആമീന്).
നബിചരിത്രം സരളമായി പ്രതിപാദിക്കുന്ന ഒരു ലഘു കൃതിയാണ്. സര്വ്വാംഗീകൃതമായ ചരിത്ര ഗ്രന്ഥങ്ങളാണ് ഇതിന്െറ രചനക്കായിഅവലംബിച്ചിട്ടുള്ളത്. ഇതോടൊപ്പം പ്രവാചകപത്നിമാര്,നബി(സ)യുടെ സന്താനങ്ങള്, സ്വര്ഗ്ഗം കൊണ്ട് സുവിശേഷമറിയിക്കപ്പെട്ടപത്ത് പേരുടെ ചെറുവിവരണം എന്നിവക്ക് പുറമെ നബി(സ)യോട് നമുക്കുള്ള കടപ്പാടുകള് എന്നിവയും ഹ്രസ്വമെങ്കിലും ഇതില് ഉള്ക്കൊള്ളിച്ചിട്ടുണ്ട്.
നവാഗതരായ മുസ്ലിം സഹോദരങ്ങള്ക്ക് പ്രവാചകചരിത്രം മനസ്സിലാക്കാന് ഉപകരിക്കുന്ന ഒരു കൃതിയുടെകുറവ് ജാലിയാത്തുകളില് നിന്നും പുറത്തിറക്കപ്പെട്ട പുസ്തകങ്ങള്ക്കിടയില് അനുഭവപ്പെട്ടതാണ് ഇങ്ങിനെ ഒരുചരിത്ര രചനക്ക് എന്നെ പ്രേരിപ്പിച്ചത്. അല്ലാഹുവിന്െറ അനുഗ്രഹത്താല് അത് ഏറെക്കുറെ പൂര്ത്തിയാക്കി വായനക്കാരായ നിങ്ങളുടെ കരങ്ങളിലേക്ക് ഏല്പ്പിക്കുകയാണ്. തികച്ചും കുറ്റമറ്റതാണ് എന്ന് അവകാശപ്പെടുന്നില്ല. വിലയിരുത്തേണ്ടത് നിങ്ങളാണ്.തെറ്റുകള് മനുഷ്യസഹജമാണല്ലൊ കാണുന്നവര് ഗുണകാംക്ഷാ മനസ്സോടെ ചൂണ്ടിക്കാണിക്കണമെന്ന് ഉണര്ത്തുന്നു.
ശൈഖ് മുഹമ്മദ് ബ്നു അബ്ദുല് വഹാബ്(റ) യുടെ മുഖ്തസ്വറു സീറത്തുര്റസൂല്, സീറതു ഇബ്നു ഹിഷാം,സ്വഫിയ്യുര് റഹ്മാന് മുബാറക്പൂരിയുടെ റഹീഖുല് മഖ്തൂം. മുഹമ്മദ് അബൂശഹ്ബയുടെ സീറത്തുന്നബവിയ്യഎന്നീ പ്രസിദ്ധ ചരിത്രഗ്രന്ഥങ്ങളാണ് പ്രധാനമായും ഇതിന് അവലംബമാക്കിയിട്ടുള്ളത്.
പ്രവാചകന് (സ) യെ സ്നേഹിക്കുകയും അദ്ദേഹത്തിന്െറ ചര്യകള് ജീവിതത്തില് പകര്ത്തുകയും ചെയ്യാന്ഇൗ കൃതി പ്രചോദനമായിത്തീരട്ടെ എന്ന് ആശിക്കുകയും അതിനായി പ്രാര്ത്ഥിക്കുകയും ചെയ്യുന്നു.
അല്ലാഹുവേ, ഇതൊരു സല്കര്മ്മമായി ഞങ്ങളില് നിന്ന് സ്വീകരിക്കേണമേ. ഇതില് സഹകരിക്കുകയും സഹായിക്കുകയും ചെയ്ത എല്ലാവര്ക്കും മതിയായ പ്രതിഫലം നല്കുകയും ചെയ്യേണമേ (ആമീന്).
അബ്ദുല്ലത്തീഫ് സുല്ലമി മാറഞ്ചേരി
No comments:
Post a Comment