സാഹിത്യകാരാര് മുട്ടുമടക്കുന്നു
എന്നാൽ മേല്പ്പറഞ്ഞ നിലക്കുള്ള മര്ദ്ധനങ്ങളും പീഠന ങ്ങളുമെല്ലാം അവര്ക്ക് മതത്തിലുള്ള വിശ്വാസം ഉറപ്പിക്കു വാനല്ലാതെ തെല്ലും അതില്നിന്ന് അവരെ പിന്തിരിപ്പിക്കാനാവുന്നില്ലെന്ന് കണ്ട ഖുറൈശികള് മറ്റൊരു അടവ് പ്രയോഗിക്കാന് തീരുമാനിച്ചു.
ഖുറൈശീ പ്രമുഖരെല്ലാവരും കൂടി അക്കാലഘട്ടത്തിലെ പേരുകേട്ട സാഹിത്യ സാമ്രാട്ടായിരുന്ന വലീദ്ബ്നു മുഗീറയെ സമീപിച്ചുകൊണ്ട് ഇപ്രകാരം ആവശ്യപ്പെട്ടു മുഹമ്മദിൻ്റെ പ്രസ്ഥാനം ദിനേനെ എന്നോണം മക്കയിലും പരിസരത്തും വ്യാപിച്ചു വരികയാണ്, അതിനെതടയിടാനായി
മുഹമ്മദ് ഒാതിക്കൊണ്ടിടുക്കുന്ന വചനങ്ങളെ ഇകഴ്ത്തിക്കാണിക്കുകയും അവന് പറയുന്നതിനെ പരാജയപ്പെടുത്തിക്കൊണ്ട് അതിനെ വെല്ലുന്ന നിലക്കുള്ളതുമായ എന്തെങ്കിലും ഒരു വചനം താങ്കള് ജനങ്ങളോട് പറയണം അതിന് പ്രാപ്തനായി താങ്കളെയല്ലാതെ മറ്റാരേയും ഞങ്ങള് കാണുന്നില്ല. ജനങ്ങളില് അവന് പറയുന്നത് ജനങ്ങളില് സ്വാധീനിക്കാതിരിക്കാന് ഇനി അതല്ലാത്തൊരു മാര്ഗ്ഗവും ഞങ്ങള് കാണുന്നുമില്ല.
അന്നേരം വലീദ് തന്നെ സമീപിച്ചവരോടായി പറഞ്ഞു ഞാന് എന്ത് പറയണം എന്നാണ് നിങ്ങള് ആവശ്യപ്പെടുന്നത് പറയൂ നമുക്കൊന്നായി അത് ജനങ്ങളോട് പറയാം. അന്നേരം അവര് പറഞ്ഞത്, അവന് ഒരു ജോല്സ്യനാണ് എന്ന് പറയണം. അന്നേരം വലീദ് പറഞ്ഞു. അല്ലാഹുവാണെ അത് ശരിയല്ല. കാരണം അവന് ഒരിക്കലും ജോല്സ്യനല്ല. ജോല്സ്യാരേയും ജോല്സ്യാരുടെ വചനങ്ങളും നന്നായി അറിയുന്നവനാണ് ഞാന്.
അവന്പറയുന്നത് അതൊന്നുമല്ല. അന്നേരം അവര് പറഞ്ഞു അവന് ഒരു സാഹിര് (ആഭിചാരകനാണ്) എന്ന് പറയാം. അന്നേരം അയാള് പറഞ്ഞു. അല്ല അവന് ആഭിചാരകനുമല്ല, അവരുടെ പ്രവചനവുമല്ല അവന് പറയുന്നത്.എന്നാല് അവന് ഭ്രാന്തനാണെന്ന് പറയാം, അന്നേരം അയാള് പറഞ്ഞു ഭ്രാന്തിൻ്റെ പല ലക്ഷണങ്ങളും നാം കാണാറുണ്ട് എന്നാല് അതൊന്നും അവനിലില്ല. അപ്പോള് പിന്നെ നാം എന്ത് പറയും അന്നേരം അയാള് പറഞ്ഞത് അല്ലാഹുവാണെ സത്യം അവന് പറയുന്ന വാക്കുകള്ക്ക് വല്ലാത്തൊരു മധുരമാണ് അനുഭവപ്പെടുന്നത്. അത്കൊണ്ട് എനിക്കല്പ്പം സാവകാശം തരൂ ഞാനൊന്ന് ചിന്തിക്കട്ടെ എന്നു പറഞ്ഞു അയാള് ഒഴിഞ്ഞു മാറുകയാണുണ്ടായത്.
No comments:
Post a Comment